Franskt vor í Borgarnesi 20.-23. apríl

Dagana 20.-23. apríl verður dagskrá á vegum Safnahúss Borgarfjarðar og Landnámsseturs Íslands í tengslum við menningarhátíðina Franskt vor á Íslandi.  Sýningin Pourquoi Pas? - strandið sem er í Tjernihúsi í Englendingarvík verður opin á föstudeginum kl. 18.00-20.00 og á laugardeginum og sunnudeginum frá kl. 14.00-18.00. Á laugardeginum 21. apríl kl. 14.00 er sérstök dagskrá með ávörpum, upplestri,  tónlistarflutningi og kaffiveitingum.

 Mánudagskvöldið 23. apríl kl. 20.00 verður franski brúðuleikhúshópurinn Turak með sýningu í Landnámssetrinu.

Allir að mæta 

Vel heppnaður landsfundur

Landfundur Sjálfstæðisflokksins stóð frá fimmtudegi til sunnudags en ég mætti ekki firr en á föstudeginum. Þingið var vel lukkað og flestir nokkuð sáttir við tillögur fundarins.  Örvar og Eyrún Ingibjörg voru kosin í miðstjórn úr NV kjördæmi og Geir og Þorgerður Katrín endurkjörin. Þetta var nokkuð átakalaus landsfundur einsog þeir verða gjarnan svona stuttu  fyrir kosningar. Allaveganna útávið þó þess hafi verið lygn þá var hann engan vegin litlaus. Við lok fundar héldu formaður og varaformaður hörku ræður og nú er kosningabarátt okkar Sjálfstæðismanna formlega hafinn enda styttist í kosningar.    

Lögreglan og við

Lögreglumaðurinn sem vísaði frá fimmtán ára stúlku og systur kom fram í Kastljósinu í kvöld. Lögreglumaðurinn vísaði þeim frá vegna þess að annar lögreglumaður kom við sögu í málinu. Í síðustu viku kom fram frétt af lögreglumönnum sem berháttuðu stráklinga og fylgdu ekki barnaverndarlögum. Eru þau mál sem gerðust fyrir mörgum árum mikilvægari en þau sem gerast í samtímanum. Erum við kannski ekki tilbúin til þess að taka á málunum firr en allir viðkomandi eru dauðir.Það er fullt af börnum, vandræðaunglingum og þroskaheftum sem eru vistaðir fjarri heimilum. Eru þeirra mál í lagi?       

MS vill hlíta samkeppnislögum :)

Forstjóri MS hlýtur að teljast einn mesti húmoristi þjóðarinnar þegar hann býður þjóðinni sáttar hönd og vill gangast undir samkeppnislög og hætta opinberri verðlagningu ríkisins. Nú er ég ekki mikill talsmaður ríkisafskipta en að fyrirtæki kaupi upp alla samkeppni á þeim forsendum að iðnaðurinn lúti ekki samkeppnislögum og fari svo fram á að hlíta samkeppnislögum og ráða verðlagningu er náttúrulega út í hróa. MS átti aldrei að fá að sameina öll gömlu samlögin undir einn hatt hvað sem samkeppnislögum líður og ríkið á ekki að miða allar sínar aðgerðir í þessu máli við hag eins einokunarfyrirtækis heldur hag bænda. MS setur þetta upp sem rosa þjóðrembings dæmi, við á móti erlendu mjólkurrisunum en hverjar eru afleiðingarnar af þessu brölti Mjólkursamsölunnar sálugu. Mjólkursamlög á landsbyggðinni leggja upp laupana og bændum er stillt upp í horn og nýliðun verður áfram ógerningur. Ef samkeppni á að ríkja á mjólkurmarkaði, einsog eðlilegt er, þá þarf að fara út í rótækar aðgerðir sem gera bændum kleift að koma upp smærri mjólkurvinnslum í hinum dreifðari byggðum. Þetta kann að hljóma hálf ankeralegt frá mér komið þar sem ég tala yfir höfuð um hagræðingu innan landbúnaðarins og færri en stærri einingar. En MS er í raun ekki hluti af landbúnaðarkerfinu heldur óþarfa bákn sem hefur drepið niður samkeppni og atvinnufrelsi á landsbyggðinni. Og þið eruð tilbúnir að hlíta samkeppnislögum núna, þið eruð búnir að skíta aldeilis á ykkur og ættlist svo til þess að almenningu finni ekki lyktina.  

Hvað næst?

Í kvöldfréttum Stöðvar 2 var rætt við konu sem hafði fengið þá niðurstöðu úr könnun sem hún framkvæmdi að það væri ekkert hættu minna að tala í síma með handfrjálsumbúnaði en án hans og því ætti að banna öll símtöl undir stýri. Ætli hún hafi kannað áhrif farþega á bílstjórann? Verða farþegar bannaðir næst eða reykingar undir stýri. Kannski jafnvel pylsuát og kaffidrykkja. Ég held að þessi könnun sé illa unnin og hroðvirknislega og í henni skorti allan samanburð og raunhæfni. Hve mikið myndi t.d slysum af völdum svefns undir stýri fjölga ef símar yrðu alfarið bannaðir undir stýri? og hver er munurinn á símtali og farþega. Að ég tali nú ekki um vælandi krakka. Bönnum öll börn undir 15 ára aldri í bílum þau valda slysahættu! Hvenær ætlar fólk, sérílagi þessir vitleysingar sem gera þess PLAT kannanir og rannsóknir sem eru ónýtar með öllu vegna fyrirfram ákveðinna skoðana, að átta sig á því að boð og bönn duga aðeins að ákveðnu marki.  Forvarnir og fræðsla hefur margföld áhrif. Ég þori að fullyrða að ef öll 17 ára ungmenni á Íslandi væru send á námskeið í umferðarsálfræði væri það á við að auka í lögregluliðinu um 1000 mans og ef vistakstursnámskeiði væri vafið samanvið gætum við bætt svona 100 við þá tölu. Ungafólkið á Íslandi er ekki heimskt og þó að akstur krefjist í raun allrar athyglinnar þá er athyglin oft skarpar t.d á meðan við erum í símanum! Stöndum saman og gerum umferðina að okkar stað, stað þar sem við virðum rétt annarra og okkar réttur er virtur en ekki stað þar sem ökuhermir í Kanada ræður för með planlögðum vísindaaðferðum.

Furðulegir andskotar

Ég rakst inn á furðulegt blogg í dag, blog.central.is/burtmedframsokn en andstætt því sem nafnið gefur til kynna þá snýst innihald síðunnar aðallega um níðvísur og einhverskonar örsögur af dónalegra taginu. Það er spurning hvort þetta séu kosningastjórnendur Samfylkingarinnar að verki því þeir eru þekktir fyrir það að ráða sér grínista í það starf, alla veganna hér í norðvesturkjördæmi, enda myndi engin líta á það nema sem grín að ráða sig í slíkt starf. En ef maður lítur framhjá gróflegheitunum á þessari síðu skín í gegn nokkuð góður penni sem gæti átt framtíðina fyrir sér á því sviði.         

Pourquoi pas?

Í dag skellti ég mér til Sandgerðis á opnun í Fræðasetrinu þar. Sýningin er um fræðimanninn og skipstjóra Pourquoi pas? Jean-Baptiste Charcot og hefur Suðurskautsleiðangra hans í brennidepli. Sýningin er mjög áhugaverð en jafnframt mjög ólík sýningunni hér í Borgarnesi. Sýningin í Sandgerði sýnir okkur lífið um borð í miðjum túr og fer lítið fyrir endalokunum á meðan sýningin í Borgarnesi hefur þau að leiðarljósi. Ég mæli eindregið með því að fólk kíki á báðar þessar sýningar og ég veit að fólk mun furða sig á mismunandi andrúmslofti sem ríkir á þeim. Saga Jean-Baptiste Charcot og Pourquoi pas? Er saga sem étur sig inná mann og maður vill alltaf meira.

Í bakaleiðinni stoppaði ég við Garðskagavita og rölti þar um. Mér hefur alltaf fundist Suðurnesin frekar ljót en ég sá það í dag að það er vegna þess að ég hef ekki skoðað mig um.  

KLÁM

Þessa dagana opnar maður valla blað, lítur í sjónvarp eða kveikir á útvarpi án þess að efni tengt klámráðstefnunni miklu sé á boðstólnum. Borgarstjón hefur fordæmt ráðstefnuna og allir eru voða happý með það að allir geta loksins verið saman á móti einhverju þverpólitískt og óháð uppruna. Svo ef maður vogar sér að koma með athugasemd við öll þessi læti er maður karlremba og hlynntur barnaklámi og mannsali. Bölvað rugl þetta. Það ríkir málfrelsi á Íslandi of á meðan að við tökum á móti heimsleiðtogum sem standa fyrir pyntingum og traðka á lýðræði þá sé ég ekki kvað sé að því að markaðsfólk komi saman og tali um klám. Það stendur hvorki til að dreifa því né selja á þessari ráðstefnu. Við erum ekki að fá einhverjar klámstjörnur hingað. Við eigum að standa staðfest gegn barnaklámi og mannsali. Við eigum að stuðla að frelsi og jafnrétti. En við gerum það ekki með því að skerða málfrelsi eða traðka á tjáningarfrelsi fólks. Bændasamtökin tóku svo steininn úr með því að slútta samkomunni og velja þannig æskilega kúnna. Hvað verður það næst. Bönnum rauðhærða eða svertingja, viljum ekki araba eða múslima. Ætla Bændasamtökin að banna alla þá sem ekki falla að þjóðfélagsskoðunum hverju sinni. Ef það kemur þrístingur frá náttúruverndarsinnum fá þá álrisarnir að fjúka eða verður þetta hentistefna hverju sinni. Hvenær er nóg komið?

Vel heppnuð helgi í Hrútafirði

Helgin var með afbrigðum velheppnuð hjá okkur Sjálfstæðismönnum í Norðvesturkjördæmi. Færðin norður var þó nokkuð slæm á köflum en heimferðin gekk vel og ég var með einkabílstjóra einsog hin fyrirmennin.                                                                                                                                                                    Eurovision farinn okkar var valinn nú um helgina, Eiríkur sá sami og fór fyrst með ICE hópnum og söng Gleðibankann. Hér nær fortíðarþrá  okkar Íslendinga hámarki  og við endum í okkar sæti því sextánda.    

Halló aftur

Síðasti pistillin minn um eftirlit fékk svo á mig að ég hef ekki bloggað síðan. Það er ótrúlegt hve erfitt það er að hafa sig að lyklaborðinu aftur og blogga eftir smá stopp en núna ætla ég að reyna að blogga reglulegar en hingað til.                                                                                                                                                                       Í dag er ég á Staðarflöt í Hrútafirði þar sem Sjálfstæðismenn í Norðvestur kjördæmi koma saman og planleggja komandi kosningar. Hljóðið er gott í mönnum og komandi barátta mun verða áhugaverð.