Hræsni í bloggheimum

Mér hefur þótt hálf skondin umræðan síðustu misserin í kjölfar mótmæla Saving Iceland hópsins, en þeir sem básúnuðu mest um valdníðslu lögreglu á bloggum sínum, yfir kúgun og sviptingu málfrelsis, skertu tjáningarfrelsi og fleira og fleira. Þegar lögregla stöðvaði skemmdarverk og truflanir hópsins í garð almennings. Þessir bloggarar sem voru svo ákafir í því að verja mál og tjáningarfrelsi þessara atvinnumótmælanda verða alveg spinnigal þegar nokkrir sússarar mótmæla opinberum álagningarskrám með því að láta gestabækur liggja frammi. Ég ætla ekki að tjá mig um “gæði” þessara mótmæla hvors hópsins um sig, en mér finnst litlu rauð grænu kommarnir aðeins meiga líta í eigin barm. Tjáningar og málfrelsi auk þess sjálfsagða réttar að mótmæla eiga allir að hafa. En einsog málfrelsið nær ekki að verja ærumeiðingar ná mótmæli ekki að réttlæta skemmdarverk og lýðskrum.  

Athugasemdir

[Óli Gneisti (IP-tala skráð) 3.8.2007 kl. 20:11]

Þú áttar þig vonandi á að fjöldinn allur af vinstrimönnum sem hefur verið að tala um SUS mótmælin voru að hæðast að Borgari fyrir afspyrnuheimskulega grein sem hann skrifaði um daginn?